قصيدة لاحياة لمن تنادي لمولود الراوي

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

هذه قصيدتي بعنوان لا حياة لمن تنادي اهديها لكل عاشق

اضطهد في ظل عشيقه وتركه يتالم في فراقه

انشالله تنال اعجابكم

يغفر الله للحبيب اللي تركني في سهادي
ما دريت ان الغلا والحب بعيونه تجلا

ماحفظ معنى العهد ولا عرف معنى المبادي
غرته دنياه وبلحظه نسى العهد وتخلا

عشت بأوهامي وجتني صدمه هزت فؤادي
كنت أنا عنده مجرد واحد فيه يتسلا

اه من هالليلة اللي كان يغشاها السوادي
ليلة فيها خفوقـي من معاليقه تولـى

ليلة كانت مثل حلم تبعثر في رقادي
وقتها ماني مصدق وأحسب ان الحلم حلا

ليلة فيها الأيادي ودعت ضم الأيادي
كن الأرض انشقت ولا عينت رجلي محلا

كنت أجاهد في هـواه وكنت مؤمن في جهادي
واستـلذ بجور طـعناتـه ولو ظلـمه تبـلا

قلت له (ترضى علي جرح المفارق؟) قال:عادي
قال لي : ترضى علي حكي الأوادم؟ قلت: كلا

جيت أصوت له ولكن لا حياه لمن تنادي
صد كنه ماسمعني وأحرق الخافق وولى

واستدار وخطوته كانت عجوله في بعادي
واضحك ودمعي على خدي وأقول انه يتغلى

رحت كن صمت الطريق يقول لي وين انت غادي
تــايـه مالك جهات والصبر فيـك يتحلـى

يمكن الفرقـــا تريحنـي وتشفـي لي فؤادي
دامني عنده مجرد واحد فيه يتسلى

وسلامتكم وما عليكم زود وانشالله تنال اعجابكم
وتقبلو تحياتي
اخوكم مولود الراوي