قصيدة تمهل لمولود الراوي

السلام عليكم

هذه قصيدة بعنوان تمهل

اكتبها واهديها لمن اراد ان يتركني

انا واحزاني وانيني وهمي وسهر الليالي

تمهل قبل لا ترحل .. و خذ معك السهر يـآ صــآح
و نـــوحٍ مــآ طوى ياسي.. وقصيـــدٍ ملَّه الدفتر

عســـآي اذا ابتعد زولك أطيب وخـآطري يرتآح
و أقول : ان الزمن وفىَّ..و لو ان الزمن قصَّــر

تعبت أضحك على نفسي وأقول : الهم عني زاح
و تعبت ابحث عن الحلم الكبير اللي بك تكسر

و تعبت أداري احسـآسك و ظلمك دآخلي يجتآح
سلب ابسط طموحاتي و أقول تهون.. وأتصبر

ولكن ما نفع صبري .. وحظي لو رفعته طاح
و عرفت انك نهـآية حب .. ودرب للشقى أغبر

و عرفت انك اذا منك خطيت تطري المروآح
وخطاي اني اذا منك خطيت اجيك واتعذر

الا والله حبيبي ما ضنيت تنكر اللي راح
ولا ظنيت في لحظه يجي لك يوم و تتنكر

حسبتك اذا ارتطم موج الفراق و ضيَّع الملاح
تكون بعينه المرسى .. ولـــكن كنت تتكبر

حسافه يا السنين اللي قضيناها حزن و أفراح
ابد ما مرت ببالك ولا حبيت تتذكر

واذا هذي نهايتنا اريد شعل للجفـــآ مصبـــآح
و ابقـــى الشـــآمخ اللي ما نكر ذاته ولا تغير

و لكــن .. قبل لا ترحل اخذ معك السهر يـآ صــآح
و نـــوحٍ مــآ طوى ياسي.. وقصيـــدٍ ملَّه الدفتر
وسلامتكم
وانشالله تنال اعجابكم
وتقبلو تحياتي
..............مولود الراوي............